Nagbaba an rankings kan Philippine women’s national football team. Sa pinakahuring edisyon kan FIFA Women’s World Rankings, nasa pang 41 na sinda ngunyan.
Kan nakalihis na rankings ay nasa pang-39 an world rankings kan FILIPINAS. Saro sa mga nagin dakulang kawsa nin nasambitan ng pagbaba ninda nin rankings iyo an magkahalong resulta nin FIFA window kan nakalihis na Oktubre.
Dinaog kaini an Jordan 3-0 alagad nabigo sinda sa mas hababang ranking sa Kenya sa score na 4-1.
An pagkadaog sa Kenya sarongdakulang kakilhagan na kun saen pang-39 kaidto an ranking kan FILIPINAS mantang an Kenya ay nasa pang-151.
Huli mn digde, nag angat man an ranking kan Kenya na nasa pang-149 na ngunyan.
An Filipinas man an pang-pitong ranked team sa Asya na kun saen an pang walo iyo an Japan, Pang-siyam an Korea-DPR, Australia pang-15, pang-17 an China, pang-20 an South Kora asin pang-37 an Vietnam.
Nagtitinir na nasa enot na puwesto an Olympic champion na USA na sinundan kan Spain mantang an Germany ay nasa pantulong puwesto.
