Filipinas naipuli an kaenot-enoting gintong medalya sa SEA Games makalihis na daugon an defending champion na Vietnam

Naipuli kan Filipinas an makasaysayang gintong medalya sa Southeast Asian Games sa Thailand.

Dinaog kaya kan womens football team kan nasyon an four-time defending champion na Vietnam sa finals na pigkundusir sa Chonburi Daikin Stadium sa score na 6-5.

Pigkokonsederar na an game-winning penalty shootout ni Olivia McDaniel an nagsalbar sa Filipinas tanganing makua an kaenot-enoting gintong medalya kan womens’ football kan nasyon.

Nagpuon an kampanya kan Filipinas kan daugon sinda kan Myanmar sa score na 2-1 alagad nagbawi sinda sa enot na paghahampangan kontra sa Vietnam sa score na 1-0.

Dinaog kan Filipinas an Malaysia 6-0 tanganing makausad sa semifinals kun saen dinaog ninda an Thailand sa score na 4-2.