NAGA CITY- Aktibo an Filipino Community sa Japan sa pagsabat sa Bagong taon.
Sa report ni Bombo International News Correspondent Myles Briones Beltran gikan sa Japan, sinaysay kaini na an mga Pinoy sa nasambitan ng nasyon an igwang sadiring countdown alagad pwede man soboot makihalubilo sa mga hapones.
Sigun pa ki Beltran, kadakol na mga lugar sa Japan an masagibo nin countdown siring kan Yokohama bay, Tokyo Tower, Shibuya asin iba pa.
Dugang pa kaini, an mga Hapones orog na an mga may pamilya an busy naman pirang oras antes an bagong taon sa pagpreparar kan saindang mga pagkakan.
Kabali sa mga pamosong pagkakan iyo an hipon, Japanese soba na boot sabihon pangpalaba nin buhay.
Paliwang pa ni Beltran, simple asin bakong magarbo an pagselebrar kan bagong taon sa Japan siringman bawal an pagpapaputok huli ta bawal an maribok sa nasambitan ng nasyon.
Mientrastanto, siring sa Pilipinas igwa man pampaswerte sa Japan na pigsusunod kan mga Hapones tanganing magin marhay asin mauswag an bilog na taon.
Sa ngunyan, hagad na sana kaini an salbadong pagselebrar kan Bagong taon sa bilog na kinaban.
