Pig-anusyar kan Department of Migrant Workers (DMW) an dugang sa financial assistance para sa distressed Overseas Filipino Workers (OFWs) asin saindang pamilya.
Sigun sa Department of Migrant Workers, basado sa Department Order No. 05, series of 2024, an standard na kantidad kan assistance an magigin ₱30,000.
Kabali sa makakaresiber kaini an Pinoy workers na biktima ka natural disasters o human-induced emergencies, asin human trafficking.
₱50,000 man para sa OFWs na matinding naapektaran kan pagkalugi kan kumpanya, naapektaran kan kalamidad sa nasyong pinagtatrabahuhan, biktima kan pag-abuso, exploitation, pagmaltrato o pagbalgar sa kontrata.
₱75,000 man an mareresiber na tinamaan kan matinding helang, mental health condition; OFWs na nagkaigwa nin physical disability, injuries, o problema sa mental health condition huli sa pag-abuso kan employer.
Siringman an OFWs na nawaran nin trabaho huli sa giyera o binawian nin buhay. An pamilya man kan OFWs na binawian nin buhay huli sa natural o aksidenteng kagadanan an makakaresiber nin ₱100,000 na financial assistance.
