Naghiras an sarong Financial advisor na an financial freedom dai nasusukol sa kantidad kan kwarta, kundi sa kakayahan na magkaigwa nin kontrol asin mga pagpipilian sa buhay.
Sa intrevista kan Bombo Radyo Naga kay Angie Jimenez (Financial Advisor, Content Creator), pigtawan doon kaini na an tunay na sokol nin finncial freedomn iyo an kakayahan na masimbagan an mga pangangaipo, makalikay sa utang, asin magkaigwa nin kakayahan na atubangon an mga emerhensia na mayong takot.
Sa isyu kan pagtipid, aminado an eksperto na dakul na mga Pilipino an nasasakitan dawa halangkaw an kita. Saro sa mga mayor na rason iyo an kawaran nin sistema sa pagmanehar nin kwarta. Bakong igo an pagtipon sana—kaipuhan iyan na planohon, subaybayan, asin tawan nin malinaw na pasohan.
An nagkapirang importanteng sadol:
Magkaigwa nin sistema nin kwarta – Aramon kun saen maduman an lambang piso.
Magpoon nin sadit – Baga man ini ₱20 o ₱100 kada aldaw, an pagkakapareho iyo an susi.
Iprinotar an mga gawi-gawi kisa sa mga kantidad – An disiplina sa pagtipon iyo an susi sa pagtalubo kan kuwarta.
Magbugtak nin mga limitasyon sa paggastos – Likayan an “paggiging !1 day millonaire” na kaisipan.
Iseparate an savings – tanganing dae ini magastos.
Magkaigwa nin manlaen-laen na klase nin savings – arog kan emergency fund at planned expenses.
Manungod sa pagbayad nin utang, enoton an pagbayad kaini gamit an dakulang parte kan saimong sahod, alagad dai paglingawan na magtagama dawa sadit na tinipon tanganing maibitaran an pag-utang giraray.
Dugang pa kaini na kun talagang kulang an saindong kita, mayo nang ibang solusyon kundi maghanap nin dagdag na kita sa paagi nin part-time na trabaho, pagpabakal, o pag-upskill.
An Financial Freedom dai nakakamtan sa saro sanang banggi—iyan resulta nin tamang disiplina, kaaraman, asin matalino na paggastos nin kwarta.
