Pig-inkaminar ni Zamboanga City Rep. Khymer Adan Olaso si Presidente Ferdinand Marcos Jr. na i-certify komo urgent measure an saiyang propwestong firing squad laban sa mga mapatotoohang nagkasala nin plunder, katiwalian asin iba pang klase kan corruption.
Ginibo ni Olaso an pahayag sa exclusive entrevista kan Bombo Radyo, makalihis na makakua nin dakulang numero kan suporta an saiyang bill sa manlaen-laen na sektor.
Aminado kaya an kongresista na didikit na panahon na sana an natatada tangani makapagsumiter nin mga ley, huli sa nararaning midterm elections.
Nagtutubod an lehislador na sa paagi kaini mapupugulan na an pagdakol nin mga tiwali sa gobyerno.
Sa ngunyan kadakol na man an nagpahayag nin pagkontra sa firing squad bill, orog na ta pigbubusol kan international community an mas makataowng pagpataw nin capital punishment sa mga nagkasala. Magin man an nagkapirang mga religious groups an kontra man sa nasambitan ng paaagi kan pagpapadusa.
