NAGA CITY– Dae pighahale kan Bureau of Fisheries and Aquatic Resources an posibilidad na may dakulang epekto sa mga sira sa kadagatan an mga nakukuang cocaine sa mga probinsya kan Quezon asin Camarines Norte.
Sa entrevista kan Bombo Radyo Naga kiNonie Enolva, tagapagtaram kan BFAR-Bicol, sinaysay kaini na basado sa mga pag-aadal, may mga epekto man an mga substance arug kan cocaine sa mga lamang dagat na pwedeng mapuli sa pagkagadan kan mga ini.
Sigon ki Enolva, d awa bago s ainda an arug kaining klase nin insidente, alagad preparado soboot sindang makipagtabangan sa mga otoridad sa pag-iimbestigar kung kinakaipuhan komo parte kan saindang pangangataman sa kapalibutan.
Kung marurumduman, haros P400-M na an kantidad kan pigtutubudang cocaine an narekober kan mga otoridad sa mga kadagatang sakop kan Quezon asin Camarines Norte kan mga nakaaging aldaw.
