Liwat na pigsierto kan Asian Development Bank (ADB) kan nakalihis na Huwebes an suporta kaini sa Pilipinas sa ibong kan mahewasang iskandalo nin korapsyon sa mga flood control project na kinakaimbweltuhan kan mga lehislador, kontratista, asin opisyal kan DPWH.
Sa Arangkada Philippines Investment Forum sa Pasay, sinaysay ni ADB Country Director Andrew Jeffries na saindang gampanon iyo an mag tabang sa developing member countries tangani maresolbaran an mga problema kan lambang gobyerno.
Dugang pa kaini, an isyu kan korapsyon dae magin rason tangani magpundo sa mga trabaho imbes, mas tinatawan importansya sa mga proseso na igwa ang ahensya asin mas masuporta pa an ADB nin mas kadakol pang flood protection project sa futuro.
Sa ngunyan, tulong proyekto sana an pinopondohan kan ADB—duwa sa Mindanao asin saro sa hilagang Luzon.
An mga alegasyon kan kickbacks gikan sa flood control projects an nag inkaminar sa Senado, Kamara, asin kan fact-finding body na pigkriar ni Presidente Ferdinand Marcos Jr
