Naglobo pa an kaso kan mga flu-like illness asin Severe Acute Respiratory Infection (ILI/SARI) sa Cordillera Administrative Region (CAR) kasabay kan labi man na pagbagsak nin temperatura sa nasambitan ng rehiyon.
Basado sa datus na ipinaluwas kan Department of Health, naglobo na nin 156% an mga kaso kan mga flu-like illness sa nasambitan ng rehiyon sa kabilogan na 2024 kumparar kan 2023. Sa pagtatapos kan 2024, nagpakol na sa 22,144 an naikurit sa rehiyon mantang 8,639 sana an kabilogang kaso sa pigsunudan kaining taon, dakulang porsyento kaini an gikan sa siyudad kan Baguio.
Huli digdi, pigpagirumdom kan DOH sa mga residente an ibayong pag-iingat orog na ta dagos-dagos an pagkusog kan Amihan ngunyan na bulan. Sigun sa ahensiya, madalas nagdadakol an mga nagkakaigwa nin respiratory disease siring kan abo asin sipon kapag malipot an temperatura o tuyong cold season.
Ngunyan na bulan nin Enero, enot nang nagpakol sa 12.3° Celsius an pinakahababang temperatura asin naeksperyensiyahan ini sa banwaan kan Sto. Tomas, Benguet.
