Nakatalaan na magpautob an Department of Agriculture (DA) nin food security emergency sa mga masunod na semana.
Ini an pigsaysay ni DA spokesman Arnel de Mesa nin huli ta mareresiber na ninda an kopya kan resolusyon sa approval kan rekomendasyon na maideklarar an food security emergency.
Enot nang naaprubaran kan National Price Coordinating Council an resolusyon na sa DA na maideklarar an food security emergency sa bagas huli sa padagos na paglangkaw nin presyo kaini sa nasyon.
Sa iraraom pa kan Republic Act 12078 na nag-aamyenda sa Agricultural Tariffication Act, an Kalihim kan DA igwa nin kapangyarihan na magdeklarar kan food security emergency sa bagas dara kan kakulangan o paglangkaw nin presyo kaini.
Enot nang sinabi ni Agriculture Secretary Francisco Tiu Laurel Jr. na justified an posibilidad na pagdedeklarar nin food security emergency sa bagas nin huli ta may mga bastante na basehan tangani na maipautob ini.
