Nagbaba liwat an foreign direct investments (FDI) sa Pilipinas kan Oktubre, huli sa epekto kan kumpiyansa kan mga mamumuhunan sa nasyon, sigun sa Bangko Sentral ng Pilipinas (BSP).
Basado sa datos kan BSP, an FDI net inflows hababa nin haros 40% sa $642 million kan Oktubre 2025, gikan sa $1.067 billion sa parehong bulan kan 2024.
Huli digde, nagpakol sa $6.2 billion an kabilogan na FDI inflows sa enot na sampulong bulan kan taon, nagbaba ini nin 25% kumparar sa $8.2 billion sa parehong panahon kan 2024.
Piglalaoman kan BSP an kabilogang FDI net inflow na $7.5 billion para sa bilog na taon, kaya an datos puon Enero hasta Oktubre kan 2025 nasa poco mas o menos 83% kan projection kan BSP.
Advertisement
Advertisement
