Pinirmahan na ni Presidente Ferdinand Marcos Jr. an Republic Act 12252 na nag-aamyenda sa Investors’ Lease Act.
Sa irarom kan ley, tutugotan an mga foreign investors na mag-upa nin pribadong daga sa Pilipinas nin hasta 99 na taon para sa mga negosyo siring kan pabria, planta, agro-industrial projects, turismo, asin iba pang proyektong makakatabang sa ekonomiya.
Igwang kaakibat na kondisyon an pag-upa: kaipuhan rehistrado an investment sa sarong government agency siring kan Board of Investments, malinaw an laba asin hewas kan kontrata, asin dapat tulos mapuonan an proyekto.
Awtomatikong kakanselaron an kontrata kun dae ini nadagos sa itinalaang panahon o kun ginamit sa salang paagi an daga.
Gabos kan lease asin sublease an dapat irehistro sa Registry of Deeds tanganing magin legal asin protektado.
Dae man otomatikong nare-renew an kontrata. Kaipuhan nin kasunduan kan parehong kampo asin patotoo na igwang benepisyong naidara sa ekonomiya asin lipunan an investor antes ini mapalawig.
Para man sa tourism projects, sulamenteng igwang puhunan na dae mababa sa limang milyong dolyar an tutugotan, asin 70% kaini an dapat mailaog sa laog kan tolong taon.
Pigtutugotan an sublease kun igwang pagtugot kan may kansadiri, basta rehistrado man ini.
Obheto kan bagong ley na makaenkaminar nin mas kadakol na foreign investments, mantang pigsisierto na protektado an daga asin interes kan mga Pilipino.
