NAGA CITY- Dead-on-arrival ang isang foreman matapos mawalan ng kontrol sa steering wheel at mag overshoot pa sa kabilang parte ng kalsada sa Brgy 1 Poblacion Alabat, Quezon.
Kinilala ang biktima na si Junell Arena Odoňo, 35-anyos, residente ng nasabing lugar.
Sa nakalap na impormasyon ng Bombo Radyo Naga sa Quezon Police Provincial Office, nabatid na habang nagmamaneho ang biktima gamit ang kanyang motorsiklo mula sa Brgy. Guinhawa Quezon patungo sa Alabat nang mawalan ito ng kontrol sa steering wheel at mag overshoot pa sa kabilang linya pag-dating sa pakurbadang parte ng kalsada.
Dahil sa pangyayari, tumama ito sa gutter ng kalsada at nagtamo ng head injuries.
Agad naman sanang dinala sa ospital ang biktima ngunit idineklarang rin lamang itong dead on arrival ng doktor.
Sa ngayon ay nagpaalala na lamang ang mga otoridad na palaging i-check ang mga sasakyan na gagamitin bago bumyahe upang makaiwas sa kahalintulad na mga aksidente.
