NAGA CITY – Nagpapadagos ngunian an imbestigasyon kan mga otoridad sa nangyaring forest fire sa Sitio Dagook, Purok 1, Brgy. Tigbinan, Labo, Camarines Norte.
Sa nakuang impormasyon kan Bombo Radyo Naga sa Camarines Norte Police Provincial Office (CNPPO), napag-araman na naghaloy nin haros labi sa tolong oras antes naideklarang fire out an nasusulong lugar na pagsasadiri soboot kan sarong Luisita Puno.
Kabale sa mga nadanyaran an plantasyon nin cacao, kape asin mga puon nin niyog.
Sa ngunian, dae pa maaraman kan mga otoridad kung pira an kabilugang danyos na nairehistro asin an pigikanan kan kalayo.
