Nagbaba na sa pitong milyong ektarya an forest land sa Pilipinas, basado sa pinakahuring report kan Department of Environment and Natural Resources (DENR).
Ini an mas hababa pa sa kabanga kan labi 15 million ektarya kan mga forest land sa nasyon.
Igwa nin kabilogang 30 milyong ektaryang lupain an Pilipinas asin an kabanga kaini an dating na-classify komo mga forest land.
Sigun ki Environment Secretary Maria Antonia Yulo-Loyzaga, apektado kan climate change, pagkawara kan biodiversity asin polusyon kan bilog na kinaban, asin bakong salbado digdi an mga kabundokan sa Pilipinas. Apwera sa mga kabundukan, apektado man an mga katubigan o fisheries and aquatic resources kan nasyon.
Huli sa labi na pagkawara kan mahibog na forest cover kan nasyon, todo-kayod nguyan an ahensiya tanganing mai-angat an pitong milyong ektarya kan forest land hasta sa sampulong milyong ektarya.
Paliwanag ni Loyzaga, kan nakalihis na taon, nagibo kan ahensiya na mai-map out an 1.2 million ektarya kan lupain na bubukasan sa manlaen-laen na mga people’s organization na matabang para sa reforestation project kaini.
Naglalaom an sekretaryo na madudugangan pa ini kan panibagong tatolong milyong ektarya na parehong maisasairarom sa reforestation paglaog kan 2028.
