Kinumpirma kan Bureau of Immigration (BI) na nakabweltada na nin Pilipinas si dating Department of Public Works and Highways (DPWH) Secretary Manuel Bonoan gikan sa Taipei sa Taiwan.
Sa sarong pahayag, sinaysay kan BI na nag-abot si Bonoan sa Ninoy Aquino International Airport (NAIA) ngunyan na aldaw, Enero 18 sakay kan sarong China Airlines gikan sa nasambitan ng nasyon bansa.
Apwera digde mayo soboot kaibahan an dating sekretaryo kan magbweltada nin Pilipinas asin tulos sonoot ipinagtaong-aram ni Immigration Commissioner Joel Anthony Viado sa Department of Justice (DOJ) an pagbweltada ni Bonoan para na man sa nagpapadagos na lakdang sa pagtalakay sa mga isyu na igwang koneksiyon sa flood-control anomalies.
Marurumduman kaya na ibinugtak sa BI Lookout Bulletin Order si Bonoan alinsunod na man sa kasugoan kan DOJ huli sa nasambitan ng isyu nanag-iikot sa mga anomalyang ini.
Mientrastanto, piglalaoman man ngunyan kan Independent Commission on Infrastructure (ICI) na an pagbebweltada ni Bonoan an mas makakatabang pa sa saindang mga imbestigasyon kun saen marurumduman man na pigrekomendar kan komisyon an pagsusunda nin mga kasong kriminal asin administratibo kontra sa dating sekretaryo katakod sa P95 milyong kantidad kan flood control projects sa Bocaue, Bulacan.
