Pighurot kan lead counsel ni dating Presidente Rodrigo Duterte na may compelling argument tangani maibasura an kaso kan dating Presidente sa International Criminal Court (ICC) antes pa man an nakatalaan na trial sa Setyembre 23.
Sa sarong entrevista, sinabi kan high-profile international criminal defense lawyer na naglalaom ining mauuntok an kaso antes kumpirmaron kan ICC an mga kaso kontra sa dating Presidente sa paagi kan paghurot na mayo nin hurisdiksiyon digde an international tribunal.
Hurot kaini na an pagkalas kan Pilipinas gikan sa korte an nagin epektibo antes pa man tugutan an nasambitan ng imbestigasyon kan ICC sa soboot mga paggadan sa war on drugs kan dating Presidente.
Pigsasabi pa kan British-Israeli lawyer na pag abot sa hurisdiksiyon, dae na kaipuhan na magin dean kan sarong law faculty tangani maaraman na ini an magigin sarong dakulang isyu sa pre-trial.
Kaya man komo sarong defense counsel, nagtutubod si Haufman na compelling an jurisdictional argument asin matrayumpo ini asin kun dae man, labi soboot manghihinayang.
Kun enkaso pumabor man an ICC judges sa nasambitan ng argumento, mayo nin mangyayaring pagdangog sa kumpirmasyon kan mga kaso kan dating Presidente.
Mientrastanto, naenot nang nanindugan an ICC sa pag-isyu kaini kan arrest warrant kontra sa dating Presidente na an soboot mga krimen na na-commit kaini ay nangyari kan miyembro pa kan ICC an Pilipinas sa pag ultanan kan November 1, 2011 asin March 16, 2019, antes ini dagusang kumalas kan nakalihis na taong 2019.
Saro pa soboot importanteng isyu para sa depensa kan dating Presidente iyo an pag-arestar sa saiya kan nakalihis na Marso 11 asin tulos na pagpapasakamot sa saiya sa ICC sa The Hague na pogkokonsiderar ni Kaufman komo kidnapping asin sarong extrajudicial rendition.
Ikinatuwiran ni Kaufman na dapat dinara si Duterte sa hukom antes ini pinasakamot sa eroplano asin inilupad pasiring The Hague alagad dae soboot ini nangyari kaya man saro soboot ining political hit job.
