Pinagirumdoman kan National Bureau of Investigation (NBI) an mga vlogger na posible sindang maimbwelto sa ley oras na mapatotoohan sa paggibo nin mga pahayag na nag-eenkaminar nin sedisyon asin panraraot.
An patanid ginibo ni NBI Director Jaime Santiago komo pagirumdom sa publiko orog na sa mga vlogger nin huli ta dae soboot absolute o mayong limitasyon an derichos sa freedom of expression kan kada namamanwaan.
Sigun ki Santiago, posibleng imbestigaran asin kasuhan an isay man na maenkaminar nin sedisyon asin labing panraraot nin mayong pinagbabatayan.
Posible man soboot ining kasuhan nin cyber libel case kapag pigmumuda o pigraraotan kan mga vlogger an mga government officials. Soboot, magluway-luway an isayman sa mga pahayag orog na kun dae verified asin mayong basehan.
