NAGA CITY – Kamawotan kan sarong Tricycle Driver sa banwaan kan San Fernando, Camarines Sur an pagpapautob nin Fuel Subsidy.
Sa entrevista kan Bombo Radyo Naga ki Martin Onan, Tricycle Driver sa nasambitan ng banwaan, sinaysay kaini na nagigin maluya an saindang kita sa presente huli naman sa ta kadakol na nin behikulong nagagamit komo service kan pasahero.
Apwera pa digdi, matinding kakumpetensya ninda an mga habal-habal asin mga kolurom na behikulo.
Sigun pa ki Onan, maypagkakataon man na mayo sindang pigkikita sa sarong aldaw orog na ta nagbabayad pa ini sa boundery siringman magasolino pa.
Huli digdi, pangapodan kaini an siring na subsideya kan gobierno na maipautob na dakulang katabangan sa sainda.
Mientrastanto, nagin benepisyaro man ini kan enot na naipaluwas na fuel subsidy nin nagkakantidad na P1,000 para sa mga tricycle driver.
