NAGA CITY- Nagkasundo an Group of 7 na mga nasyon na magtao nin $50 Bilyon pondo para sa Ukraine.
Sigun ki Italian Prime Minister Giorgia Meloni na an kwarta an maggigikan sa mga manlaen-laen na frozen assets kan Russia.
Kinumpiramar man ni French President Emmanuel Macron an nangyari na political agreement na matao sinda nin dugang na financial support sa Ukraine.
Presenteng pigsasagibo an G7 summit puon Hunyo 13 hasta 15 sa Apulia, Italy kun saen pira sa mga tinalakay ninda an mga giyera sa Ukraine asin Gaza siringman an kapagtiosan sa Africa, migration, economic, security asin an international cooperation kontra sa artificial intelligence.
