Maduon na tinutulan kan mga nasyong igwang mayayamang ekonomiya na Group 7 (G7) an paggamit kan pwersa asin koersiyon sa pinag-iiriwalang kadagatan na sakop kan West Philippine Sea.
An G7 an pigbibilog kan Canada, France, Germany, Italy, Japan, United Kingdom, asin Amerika.
Sa sarong statement, sinaysay kan Department of Foreign Affairs (DFA) na kaparte an Pilipinas sa pananaw kan grupo sa pagtataong-importansiya sa seguridad asin kauswagan sa kadagatan para sa pangkinabang katatagan, economic resilience asin kapakanan kan gabos kan mga nasyon asin sa pagpapatibay kan United Nations Convention on the Law of the Sea (UNCLOS).
Nagpahayag man soboot nin seryosong pagpagiromdom an G7 katakod sa mga insidente kan paggamit kan mapeligromg maniobra asin water cannons siring man an mga lakdang tanganing higotan an kalayaan sa paglalayag asin pagpapalupad sa paagi kan militarisasyon asin koersiyon sa disputer waters.
Sa huri, pinasalamatan kan Pilipinas an G7 sa pangapodan kaini para sa seguridad, katatagan asin kauswagan sa Indo-Pacific region kaibahan na sa pinaga-agawan na kadagatan asin an liwat na paghurot kan grupo sa importansiya kan 2016 Arbitral Award komo basehan para sa matoninong na pagmamanehar asin pagresolbar sa mga salungatan sa kadagatan.
