Sinirbihan pa man kan Philippine National Police (PNP) nin arrest warrant an mga known addresses ni dating Ako Bicol Party-List Rep. Zaldy Co dawa na aram kan kadaklan na nasa luwas ini kan nasyon.
Magin an 17 opisyal kan DPWH na nasasangkot sa soboot katiwalian sa flood control projects an pinaghahanap na man.
Pigdepensahan na man ni General Nicolas Torre III an aksyon kan PNP asin pighurot na parte ini kan tamang proseso.
Sigun sa saiya sa exclusive interview kan Bombo Radyo, tungkulin kan pulis na darahon an warrant sa mga bistadong istaran kan mga akusado asin magsumiter nin report sa korte makalihis an pirang aldaw.
An kaso an nag-ugat sa mga proyektong imprastruktura na sinasabing “ghost projects” o substandard. Pigsunad kan Ombudsman an.kasong graft makalihis makaguno nin ebidensya gikan sa mga imbestigasyon kan DPWH asin Independent Commission for Infrastructure.
Nagluwas man nin Hold Departure Order (HDO) an Sandiganbayan tangani masierto na mahampang sa kaso an mga akusado.
Pighurot kan PNP na mayong espesyal na trato asin an gabos an maagi sa tamang proseso kan ley.
