Pig-amin kan Saudi Ministry of Foreign Affairs sa Riyadh na dae pig pansin kan Germany an saindang pagtatao nin abiso sa suspek na nag-araro sa Christmas market sa Magdeburg.
Segun sa nasambitan ng ahensiya na pigtawan na ninda nin impormasyon an German government asin magin sa saindang intelligence agencies alagad dae ninda ini pinansin.
An suspek kaya na si Taleb al-Abdulmohsen naarestar makalihis an ginibo kaining pagsagasa sa Christmas Market kun saen siribot an mga tawo sa pagbakal na nagresulta sa 5 indibidwal an binawian nin buhay asin labing 60 iba pa an lugadan.
Basado sa impormasyon, natawan nin asylum sa Germany kan taong 2016 si Taleb al-Abdulmohsen asin makalihis man an 10 taon, nagin residente na ini kan Germany.
Pigtalikudan kaini an pagigin Islam asin pigkokonsiderar kaini an sadiri komo sarong bayani sa ginibo kaining pagtalikod. Igwa ining ginibong websites na pigtatabangan an mga babae sa Saudi na maghali sa saindang nasyon.
Sa ngunyan nagtitinir na nakakulong an suspek asi pig aaram pa ninda an pinakamotibo kaini sa nasambitan ng insidente.
