Personal na bibisitahon ni Presidente Ferdinand R. Marcos Jr. an mga lugar na may bahid nin anomalya asin igwa nin koneksyon sa flood control projects.
Sa katunayan, sinaysay kan Presidente na prepado ining dumanan asin personal na mahiling an mga pigsusuplong na kun bakong palpak na flood projects, mayo man talagang existing o ghost project.
Kung dae man soboot ini makakapasiring, igwa nin mga engineer na mabisita sa site asin hahagadon kaini an report dapit sa saindang nahiling.
Sa ibong na lado, padagos man an pangapudan kan Punong Ehekutibo sa publiko na magpadara nin litrato o video na igwa nin koneksyon sa mga kuwestiyonableng proyekto sa baha.
Dakulang bagay kaya asin man napapakinabangan ini sigud sa Presidente an mga impormasyon na saindang nareresiber sa Sumbong mo sa Pangulo.
Mientrastanto, pigsierto pa kan Presidente na bubuwagon kaini an katiwalian sa hampang kan nabubuyagyag na mga ghost projects asin pinagkakitaang flood control projects.
Inihayag ini kan Presidente sa saiyang social media post kun saen, sinabi kaining magin sararo an ginigibo ngunyan na paglaban sa korupsiyon.
Hurot kan Presidente, dae kaini palalampason an nalantad na manlaen-laeng paagi nin katiwalian sa mga proyektong may koneksyon sa baha.
Kaya an pangapudan pa kan Presidente sa taumbayan, ipagpadagoa sana an pagpapadara nin impormasyon sa Sumbong sa Pangulo. Sa ibong na lado, may bago na namang mensahe an Presidente sa mga taong nasa likod kan anomalya na soboot dae na nasupog.
Kun nakalihis na SONA haros igwa nin kadikit na pakiulay an katagang “mahiya naman kayo,” sa pinakahuring post man kan Presidente sinabi kaining, “Hindi na kayo nahiya!!!!
