NAGA CITY – Nakua kan Gilas Pilipinas Girls an promotion sa Division A makalihis na tambakan ninda an Lebanon 95-64 sa Shenzen, China.
Dominado kan Pilipinas an kawat kun sain sa second quarter pa sana kapot na ninda an 33-9 na kalamangan.
Nakua kan national team an korona sa Division B makalihis na ma-sweep ninda an apat na kawat sa FIBA Under-18 Asia Cup 2024.
Huli sa resulta, makawat na an Pilipinas sa Division A pag-abot kan 2026 edition.
Nangenot sa kapangganahan si Alyssa Kae Rodriguez na nagrehistro nin 22 puntos mantang igwa man nin 15 puntos si Alicia Margarett Villanueva.
