Makakaibahan kan Gilas Pilipinas an pirang mga pamilyar na koponan para sa 2025 FIBA Asia Cup na ikukundusir sa Saudi Arabia.
Sa ginibong anunsiyo kan FIBA kabali an Gilas Pilipinas sa Group D kun saen kaibahan man ninda an New Zealand, Chinese Taipei asin Iraq.
Marurumduman sa laban kan Gilas sa Qualifiers saindang nakahampang an New Zealand asin Chinese Taipei sa Group B kun saen igwa sindang limang kapangganahan asin sarong daog.
Target kan Gilas Pilipinas na mautro pa an kapangganahan sa torneo na isasagibo puon Agosto 5 -17.
An mangengenot sa kada group an otomatikong abanse na sa quarterfinals mantang an second-place team makalihis an group stage asin masabak sa playoffs.
Dakulang huma ngunyan sa Gilas an kawaran ni Kai Sotto huli sa injury mantang si Justin Brownlee na apwera sa nagpaparahay sa saiyang dislocated na right thumb an pighahalat pa an desisyon kan FIBA makalihis na magpositibo liwat sa drug test.
