Pigtanaw linaw ni Gilas Pilipinas head coach Tim Cone na mayo pang pinal na lineup para sa Window 2 kan FIBA Basketball World Cup.
Sigun ki Cone na saindang isasapinal an line up sa mga masunod na aldaw.
Reaksyon ini ni Cone sa pigpaluwas na listahan kan FIBA sa line up kan Gilas para sa Window 2.
An mga ini an kinababalihan ninda Chris Newsome, RJ Abarrientos, Scottie Thompson, June Mar Fajardo, Cjay Perez, Dwight Ramos, Japeth Aguilar, Kevin Quiambao, Justin Brownlee, Carl Tamayo, AJ Edu, asin Quentin Millora-Brown.
Kapansin-pansin an kawaran sa listahan ni Kai Sotto na katatapos pa sanang magrahay gikan sa saiyang ACL injury.
Enot nang sinaysay ni Cone na saindang piglalaoman an pagbali ni Sotto para sa kawat kan Gilas.
Makakahampang kan Gilas Pilipinas an New Zealand sa Pebrero 26 mantang an Australia an sa maabot na Marso 1 sa Mall of Asia Arena.
