Nag-angat an pwesto kan Pilipinas sa pagtatapos kan 2025 FIBA Asia Cup na ginanap sa Saudi Arabia.
Basado sa ranking na iniluwas kan FIBA, kapot na kan Pilipinas an ika-pitong pwesto. Mas halangkaw ini kumparar sa nakua kan nasyon na ika-siyam na pwesto kan nakalihis na 2022 FIBA Asia Cup na ginanap sa Jakarta, Indonesia.
Kun bebweltadahan an nagin laban kan Gilas Pilipinas sa katatapos pa sanang torneo, nagibo kaining abuton an quarterfinals sa ibong kan duwang magkakasunod na pagkadaog sa elimination stage.
Dagusan ining pinataob kan 2025 champion na Australia sa quarterfinals, 84-60, rason tanganing ibulsa an 2-3 record sa Asian meet.
Kan nakalihis na 2022 Asia Cup, bigong makaabot an Gilas sa quarterfinals makalihis ining payukuon kan Japan, 102-81.
Huring nakaputan kan national team an FIBA Asia Cup trophy kan nakalihis na 1985. Kan nakalihis na 2013 Cuo, nakabweltada an Team Philippines sa finals alagad dae ini pinalad makalihis na daugon kan China, 67-78.
Mientrastanto, liwat na masabak an national team sa FIBA World Cup Qualifiers na mapuon sa Nobyembre 2025.
