Nagpa-abot kan saindang suporta an Gilas Pilipinas para sa tolos na pagrahay kan saindang miyembro na si Kai Sotto.
Marurumduman na presenteng nagpaparahay si Sotto makalihis na magsapo nin anterior cruciate ligament (ACL) injury mantang nagkakawat sa Japan Basketball League.
Sigun ki Justin Brownlee, aram soboot kaini an sakit na pinag-agihan ni Kai kaya saiyang pigpapangadyi an tolos kaining pagbwelta sa pagkawat.
Pigsaysay man ni Japeth Aguilar na joven pa si Sotto asin kadaokol pa ining pag-aagihan asin sierto na makakabweltada sa pagkawat.
Enot ng pigsaysay kan 22-anyos na si Sotto na ini an pinakamaraot na pangyayari sa saiyang career.
Alagad pigsierto man ni Sotto na an pangyayaring ini an bakong ulang tanganing maabot an saiyang pangaturugan na makapagkawat sa NBA.
Basado sa doktor kan basketbolista na posibleng mag-abot sa anom na bulan antes dagusang makapagkawat liwat si Sotto.
