Nakatutok na ngunyan an atensyon ni Gilas Pilipinas head coach Tim Cone sa FIBA Asia Cup sa bulan na Agosto na ikukundisir sa Saudi Arabia.
Kasunod ini sa pagkadaog ninda sa New Zealand para sa last window kan FIBA Asia Cup Qualifiers sa score na 87-70. Dawa na dae pinaladan ay nasa panduwang puwesto sinda sa Group B na igwa nin apat na kapangganhan asin man duwang pagkadaog.
Nag abot pa sa 28 puntos an lamang kan New Zealand hasta sa napababa ninda ini sa 11 points. Pig amin ni Cone na nabantayan kan Tall Blacks si Justin Brownlee asin man nagin darakulang susi man an kawaran ni Kai Sotto huli man sa injury.
Hurot pa ni Cone na kadakol sindang mga nanudan sa magkasunod na daog ninda sa Chinese Taipei asin New Zealand kun saen magibo sinda nin mga adjustments.
