Igwang pigdugang na tune-up games an Gilas Pilipinas para sa saindang preparasyon sa FIBA Asia Cup.
Sigun ki Gilas coach Tim Cone na makakahampang ninda an Jordan sa Agosto 2 asin ini an isasagibo na sa Jeddah, Saudi Arabia.
An nasambitan ng tune-up games an apat na aldaw antes an enot na kawat nida sa torneo kontra sa Chinese-Taipei.
Dugang pa ni Cone na naghurot an Jordan na kun pwede sinda na makapagkawat nin tune-up.
Piglalaoman na mahali sa nasyon an Gilas sa Hulyo 31 asin pag-abot ninda duman an tolos na masabak sa tune-up games.
An Jordan na 4th placer kan 2022 FIBA Asia Cup na pigsagibo sa Indonesia an nakahanay ngunyan sa Group C kaibahan an China, India asin host country na Saudi Arabia.
Antes an saindang send-off sa Saudi Arabia sa Hulyo 28 an makakahampang ninda an Macau Black Bears.
Mapuon an laban kan Gilas Pilipinas kontra sa Chinese Taipei sa Agosto 6 alas-2 nin mag-oomagahon.
Mientrastanto, sunod na laban ninda sa Group D an world number 22 na New Zealand sa Agosto 7 pasado alas 11 nin bangi oras sa Pilipinas.
Huring laban kan Gilas sa group stage an laban sa Iraq Agosto 9 nin alas-4 nin hapon.
