Mapuon na sa aldaw nin Lunes, Hulyo 7, an gigibuhong ensayo kan Gilas Pilipinas para sa saindang preparasyon sa 2025 FIBA Asia Cup.
Sigun ki Gilas coach Tim Cone, na an orihinal kudta na pagpupuon iyo an kan nakalihis na Hunyo 30 alagad nagkaigwa nin nagkapirang aberya kaya mas pinili nindang puonan na ini nin Hulyo 7.
Masagibo sinda nin semanahang ensayo kun saen hasta sa katapusan, pinaglaloman na makukumpleto na an mga parakawat.
Parte kan saindang preparasyon iyo an send-off friendly match kontra sa Macau Black Bears sa papaabuton na Hulyo 28 sa Araneta Coliseum.
Sinaysay man ni Samahang Basketbol ng Pilipinas President Al Panlilio na may dakulang tabang para sa men’s nationa basketball team an mga tune-up games gikan sa ibang nasyon.
Makakaatubang kaya kan Gilas Pilipinas an New Zealand, Chinese Taipei asin Iraq sa group stage na mapuon kan Agosto 5 hasta Agosto 17 sa Jeddah, Saudi Arabia.
