Sa ibong kan mga nakalinyadang magagabat na kalaban, target pa man kan Gilas Pilipinas na makakua nin gintong medalya sa pagsabak kaini sa FIBA Asia Cup ngunyan na bulan.
An nasambitan ng accomplishments an dae pa nagigibo kan nasyon sa nakalihis na apat na dekada.
Sigun ki Gilas head coach Tim Cone, pipiriton kan koponan na malampasan an mga elimination match asin mag-abot sa huring parte kan laban tanganing makapagpuli nin ginto sa Pilipinas.
Nakalinyada an national team sa Chinese Taipei, New Zealand, asin Iraq sa irarom kan Group D. An magigin No.1 sa apat na team makalihis kan enot na elimination round an otomatikong madagos sa quarterfinals.
An no.2 asin no.3 man an igwang tyansa pang makalaog sa top-8 spot sa crossover playoffs.Nakatalaan an enot na laban kan national team sa Agusto-6 kontra sa Chinese Taipei asin susunodan ini kan tapatan kontra New Zealand kinaagahan (August 7).
Huring makakalaban kan Gilas an Iraq sa Agosto 9. Sa presente, sinaysay ni Cone na solido na an line-up kan nasyon sa pangengenot kan mga batikang basketball player siring ninda ustin Brownlee, June Mar Fajardo, Japeth Aguilar, Chris Newsome, Kevin Quiambao, asin iba pa.Nagsisirbing defending champion an Australia sa FIBA Asia Cup.
Nagibo kan nasambitan ng nasyon na maiuli an nasambitan ng tropeyo sa nakalihis na duwang torneo.
