Nagpepreparar na nin tabang an gobierno para sa mga residenteng posibleng maapektaran kan Bagyong Julian partikularmente na sa parteng extreme Northern Luzon.
Sa ngunyan naka-monitor pa man an National Disaster Risk Reduction and Management Council (NDRRMC) sa hiro kan bagyo.
Sa sarong situational report na pigpaluwas kan NDRRMC, igwang labi na P1.9 milyon na family food packs na igwang kantedad na P1.48 bilyon asin iba pang mga food items na nagkakantedad na P276 milyon an pigpreparar na kan Department of Social Welfare and Development (DSWD) enkaso biglaang magkaigwa nin mga labing pagbaha o anuman na mga insidente kawsa kan Bagyong Julian.
Dugang pa digde, igwang mga non-food items na igwang kantedad na P919 milyon na nakapreparar tanganing itao sa mga posibleng mangaipuhan na mga residente sa mga apektadong lugar.
Nagpreparar an ahensya nin Quick Response Fund (QRF) na nagkakantedad nin P123 milyon asin standby fund na P171 milyon para sa iba pang pangangaipuhan kan mga nasalanta ni Julian kun enkaso man na mag-landfall na ini sa Pilipinas atyan na bangi o sa aga nin mag-omagahon.
Mientrastanto, sa Batanes man nagtao na nin advisory an Provincial Disaster Risk Reduction and Management Office (PDRRMO) sa mga residente na igakod na an saindang kanya-kanyang mga atop asin magpreparar na sa piglalaoman na landfall ni Julian sa rehiyon basado man sa State Weather Bureau kan nasyon.
