NAGA CITY – PIGLINAW kan sarong opisyal kan Philippine Statistics Authority (PSA) na nakakaapektar an paglobo kan populasyon sa inflation rate sa bilog na nasyon.
Sa nagin paghampang sa mga kagawad kan media ni Raul Aspe Jr., Officer in Charge, kan Philippine Statistics Authority-Camarines Sur, pigsaysay kaini na saro sa saiyang suhestiyon an low of supply in demand nin huli ta nagtutubod ini na enkaso talaga halangkaw an supply an maapektaran an presyo kaini.
Alagad nin huli ta nagdadakol man an numero kan satuyang populasyon, nagdadakol man an demand kun kumparar kaidto.
Huli digdi, naaapektaran an paglangkaw kan inflation rate na piggigibohan naman soboot nin mga lakdang kan gobierno kun pano mapababa ini.
Mientrastanto, piglinaw pa ni Aspe na an kada commodities na pigkukua an presyo para sa CIP, an igwa nin weights basado sa saindang family income expenditure survey.
Kun saen, dakula an gabat na nakapalaog sa food and alcoholic beverages.
Enkaso dakula soboot an share kaini sa general inflation, dakula man an share kaini sa up-trend kan inflation sa bulan.
