Nakapreparar an gobyerno na ibweltada an pondo kan Philhealth kun ini an ipagsugo kan Korte Suprema.
Hinapot kaya ni Akbayan party-list Rep. Chel Diokno si Finance Sec. Ralph Recto kun ano an magigin lakdang kan gobyerno kun ipabweltada kan Korte Suprema an pondo kan Philhealth asin Philippine Deposit Insurance Corp. (PDIC) sa National Treasury.
Sa budget briefing kan DBCC, nausisa ni Diokno kun pano masimbag an gobyerno kun magdesisyon an SC pabor sa petitioners na ideklarang unconstitutional an pagbabalyo sa National Treasury kan P60 billion na pondo kan philhealt asin P104 billion kan PDIC na presenteng pinag-uulayan kan kataastaasang hukuman.
Simbag ni Recto na masimbag digde an gobyerno kan pagbebweltada kan nasambitan ng pondo. Kaipuhan soboot ining laog sa national budget na aaprobaran kan Kongress.
Enkaso man magbaba soboot nin desisyon an SC sa katahawan kan budget season, ilalaog ini sa masunod na prosopwestong pondo.
Siring man, aminado si Recto na pwede ining maka-apektar sa credit rating huli man ta madakula an deficit o kakulangan sa pondo.
Sa bisa kan Department of Finance Circular 003-2024 ipigbalyo sa national treasury an P60 billiyon gikan sa sobrang pondo kan Philhealth.
Ginamit ini para sa mga proyektong nasa unprogram appropriations siring na sana kan Health Emergency Allowances kan COVID-19 frontliners.
