Gov. Villafuerte asin kailusyon na si Bb Pilipinas-Univ. 2017 Rachel Peters, liwat na tinawang doon na sa ‘tamang panahon’ suboot planong magpakasal
NAGA CITY- Liwat na inagi sa ngirit asin sa matalinhagang mga tataramon kan magkailusyon na sinda Camarines Sur Gov. Migz Villafuerte asin Bb. Pilipinas-Universe 2017 Rachel Peters an saindang simbag kan mahapot kun nuarin kan mga ining planong magpakasal.
Enot kaini, nahapot an Filipina-British beauty kun nuarin ini mapakasal sa saiyang kailusyon.
Imbes na magsimbag, pigpasa ni Peters an kahaputan sa 29-anyos na gobernador na sinabing, sa tamang panahon suboot sinda madesisyon kun nuarin sinda malaog sa pagpapamilya.
Napag-araman na labi sa tolong taon nang magkailusyon an duwa asin enot nang sinaysay ni Villafuerte na hahalaton niya nguna na mag ‘shine’ an beauty queen sa saiyang career.
