NAGA CITY- Gadan an sarong grade 10 student mantang 4 irido makalihis mabudalan an piglulunadan kaining tricycle sa Sariaya, Quezon.
Binisto an binawian nin buhay na si Jennelyn, 15-anyos asin an mga lugadan na driver kan tricycle na si alyas Elwin, nasa legal na edad, an mga pasahero kan ini na sinda Jhared, 13-anyos, sarong Grade 7 student; Lourdinae Grade 10 student; Cloe, 15-anyos, Grade 10 student, gabos residente kan Brgy Bignay 1 sa nasambitan ng banwaan.
Sa nagunong impormasyon kan Bombo Radyo Naga sa Quezon Police Provincial Office, napag-araman na mantang pigbabagtas kan driver na si alyas Elwin, gamit an pigmamanehong tricyle an pawalang parte kan Sitio Kanluran sa naumbitan ng barangay kan aksidente ining mabudalan kan behikulong pinagmamaneho man ni alyas Romeo an ibong na deriksyon gikan sa Brgy. Sampaloc 2.
Huli digdi, nagsapo nin physical injuries an driver asin mga pasahero kaini na tolos man pigdara sa ospital para sa asistensya medikal alagad nagsapo nin malalang lugad sa saiyang payo si Jennelyn, na nagin rason kan saiyang tolos na kagadanan.
Mientrastanto, tolos man na nagdulag an suspek sa pinangyarihan kan insidente.
Sa ngunyan, nagpapadagos pa an pigsasagibong imbestigasyon kan mga otoridad dapit sa nasambitan ng insidente.
