Aram baya nindo mga ka-bombo, pigheras kan sarong Ina gikan sa Kentucky an ginibo kan saiyang aking lalaki mantang nagkakawat kan saiyang cellphone.
Sigun ki Holly LaFavers, residente kan Lexington, labi soboot an saiyang kakilhagan kan madiskubrer an nasa 30 cases o boxes kan Dum-Dums sa pintuan kan saindang harong.
Katakod kaini, pig-ako man kan saiyang aki na si Liam na sarong Grade 2 student na ini an nag-order kan nasambitan ng lollipops mantang pigkakawatan an cellphone kan saiyang Ina.
An kada case o box kan Dum-Dums retails an nagpapakol sa nasa $130, kun kaya an kabilugang binayadan an nag-abot sa $4,200 o katampad kan nasa P232,763.97
Mientrastanto, nagtugot man an shopping platform kun saen nagbakal an aki na ibalik an nasa 8 boxes asin an iba an ipinabakal ni Holly sa saiyang mga amigo o amiga siringman sa pagtaraid na harong.
Alagad makalihis na mag-viral an istorya ni Holly asin kan saiyang aki, nagtugot na an shopping platform na i-refund an gabos na pigbakal na lollipops.
Sa ngunyan, nagpasalamat na sana si Holly sa gabos na nagtabang sa sainda tanganing masimbagan an problema.
