Aram baya nindo mga ka-bombo, kada taon an mga grave diggers gikan sa manlaen-laen na panig kan kinaban an nagtiripon sa Hungary tanganing mag-compete sa International Grave Digging Championship.
Kada taon puon pa kan 2016 an Hungary’s Association of Cemetery Operators and Maintainers (MTFE) an nag-iimbitar sa mga grave diggers sa bilog na kinaban tanganing mag-compete para sa titulong World Grave Digging Champions.
Sinda an binanga sa duwang team, kun saen an mga grave diggers an kaipuhan na itao an saindang bilog na bailidad sa paagi kan pagkalot nin nasa 2 meters an laba, 80 centimeters an hewas, asin 1.6 meters an rarom sa laog nin duwang oras.
Apwera digde, kaipuhan na palahon an nasa 2.5 tons kan daga pabalik sa labot tanganing makakriar nin lubungan.
Para sa iba madali, alagad an kaskas, accuracy, asi atensyon sa detalyes an mga pangenot na criteria kun saen an mga contestants an pigtatawan grado.
Sa kinatapusan kan kompetisyon, an Hungarian team Parakletosz Nonprofit Kft an nakapagpuli kan first prize sa laog nin duwang taon kun saen natapos ninda an nasambitan ng challenge sa laog nin sarong oras may kabanga.
Mietrastanto, an obheto kan International Grave Digging Championship an tanganing mai-angat an gravedigger profession asin ma-enkaminar an mga jovenes na maglaog sa siring na klase kan trabaho.
