NAGA CITY- Binatikos kan Alliance of Concernes Teachers (ACT) an Commission on the Filipino Language (CFL) sa plano kaining pagbuwag sa Filipino sign Language (FSL) unite na makawsa kan retrench sa saindang deaf personnel.
Sa sarong pahayag, sinaysay kan grupo na nakaresiber sinda nin impormasyon na nagdesisyon an Komisyon na buwagon an filipino sign langauge makalihis na mag-demand kan saindang personnel kan napapanahong pagpapaluwas kan saindang mga sweldo.
An nasambitan naman soboot na aksiyon an bakong makatao asin nakakababa kan derichos asin dignidad kan Deaf community. Sinaysay man kan ACT teachers partylist na an Filipino Sign Language Act na nagkapalaog na dapat an Filipino Sign Language an opisyal na sign language kan gobierno sa gabos nin transaksiyon na imbwelto an mga deaf.
Pigmamandato man sa nasambitan ng ley an paggamit kan filipino sign langiage sa mga eskwelahan, broadcast media asin lugar kan trabaho. Sinaysay man kan grupo na saindang sinusuportaran an pagproteher sa mga dericho asin kapakanan kan Filipino deaf community asin iba pang persons with disabilities.
Katakod kaini, nangangapodan an ACT sa administrasyong Marcos na siertohon an full implementation kan Filipino sign Language ACT asin dapat na magin available man an mga serbisyo para sa Filipino Deaf community asin PWDs.
Mientrastanto, nagsagibo naman nin rally an mga miyembro asin supporter kan PH Federation of the Deaf sa Liwasang Bonifacio kan sarong aldaw tanganing tutulan an pagbuwag kan Filipino sign langauge unit.
