Nag-aagrangay na an grupo kan mga parisisira sa pagbagsak kan presyo kan sirang tawilis gikan sa Taal Lake sa tahaw kan takot kan publiko na magbakal kawsa kan mga piggigibong retrieval operations sa lawa.
Sigun sa Pambansang Lakas ng Kilusang Mamamalakaya ng Pilipinas (Pamalakaya), nakaresiber sinda nin mga report na nagbaba an presyon kan tawilis sa all-time low na P100 kada kilo sa pirang mga banawaan sa probinsiya kan Cavite.
Pighayag ni Pamalakaya National Chair Fernando Hicap na kapag siring na kababa an presyo kan tawilis sa mga merkado, paniguradong bagsak-presyo man an farm-gate kaini para sa mga parasira sa Taal na nagreresulta sa pagkawara kan saindang kita.
Paliwanag pa kaini na nagtitinir na apektado an mga presyo kan tawilis huli sa mga report na soboot pigtapok an mga bangkay kan mga nawawarang sabungero sa lawa sa ibong pa kan naenot na paglilinaw kan Bureau of Fisheries and Aquatic Resources (BFAR) na salbado kakanon an mga sirang gikan sa Taal Lake.
Katakod kaini, nag-apelar na si Hicap sa Department of Agriculture asin BFAR na magheras nin tabang sa mga apektadong parasira sa paagio kan direktang pagbakal sa saindang produkto asin pig-enkaminar man an publiko na padagos na suportaran an mga parasira sa Taal.