Ipinasisirip kan Samahang Industriya ng Agrikultura (SINAG) sa Department of Agriculture (DA) an nahihiling nindang price gap sa pag ultanan kan farmgate price asin man retail price sa karneng manok.
Ini an sa hampang kan paramientras na pagpapa-untok sa nasyon kan poultry products gikan Brazil huli sa pagbungkaras kan helang sa hayop duman.
Basado sa price monitoring kan SINAG, an farmgate price sa manok an nagtitinir na hababa sa P90 hasta P120 kada kilo, alagad an retail price sa merkado an nagkakawat sa P200 hasta P250 kada kilo.
Hurot kan grupo, dapat ay nasa P180 hasta P185 per kilo an retail prices.
Ini an tangani matawan nin pagkakataon an mga tindero na makapagpatong nin P50 hasta P65 markup tangani man mabawi an gastuson sa distribution, logistics asin man retail holding cost. Mayo man nahihiling an grupo na kakulangan sa supply kasunod kan import ban sa Brazil.
Namumundo an grupo huli sa hampang kan halangkaw na presyo kan karneng urig huli sa huma kan African Swine Fever, pwede sanang ipangribay paramientras nin pagkakan an manok komo source nin protein.
Alagad dae ini nangyayari huli sa halangkaw na presyo kan retail price kan manok.
