Pigsaysay ni Commission on Elections (COMELEC) Chairman George Erwin Garcia na hababa an 1.2 Million Registered Overseas Voters (ROV) na naikurit kan commission para sa masunod na taon nin National and Local Elections.
Ini kumparar sa 1.6M na naikurit kan poll body kan 2022 Presidential Elections. Dugang pa ni COMELEC Chairman George Erwin Garcia na oras na ma-test na kan mga Pilipino sa ibang nasyon an kakayahan kan internet voting, mas ma-inkaminar an mga ini na magparehistro komo botante sa masunod na 2028 Presidential Elections.
Katakod kaini, dawa hababa an bilang kan mga rehistradong votante para sa eleksyon sa masunod na taon, alagad halangkaw an voter’s turn-out, magayon man giraray ining senyales huli ta an katuyuhan kan komisyon iyo na dakul na botante an maboto sa eleksyon.
Mientrastanto, segun ki Chairman Garcia, saro sa mga rason sa diit sana an nagpaparehistro huli sa takot kan mga overseas Filipino na maapektaran an saindang citizenship application, arog kan sa Estados Unidos.
