Ipinag-sugo kan Department of Budget and Management (DBM) an mahigot na pagpapautob kan habambuhay na pagbabawal (lifetime blacklisting) sa irarom kan New Government Procurement Act (RA 12009) kontra sa mga tiwaling kontraktor, supplier, asin consultant kan gobyerno.
Sigun ki Budget Secretary Amenah Pangandaman, an mga kumpanyang mapapatunayang nagbalgar nin tutlong beses huli sa pandarayang transaksyon, falsification, collusion, o pauru-utro na pagbalgar an dagusang ipagbabawal sa gabos nin bidding kan gobyerno.
Sigun ki Pangandaman, sa bisa kan NGPA, tinutupad an adhikain ni Presidente Marcos na magkaigwa nin bukas, inklusibo, asin tapat na gobyerno.
Parte ini kan masusing imbestigasyon sa mga maanomalyang flood control projects na kinakaimbweltuhan soboot kan mga opisyales asin pribadong kontraktor.
Apwera sa habambuhay na pagbabawal, nakapalaog man sa ley an paramientras na suspensyon, corrective measures, asin duwang taong blacklisting para sa magagabat na pagbalgar.
Obheto kan reporma na wakasan an “palakasan system” asin man siertuhong mapapasiring sana sa mga mapagkakatiwalaang partner an pondo kan taumbayan.
