Pighayag kan Filipino-American actress na si Hailee Steinfield asin kan Buffalo Bills quarterback na si Josh Allen na piglalaoman na ninda an saindang enot na aki.
An balita pigbuyagyag ni Hailee kan Sabado, Disyembre 13 (PHT), sa saiyang Beau Society newsletter. Komo pagselebrar sa saiyang ika-29 na kompleanyo.
Nagheras an duwa nin sarong magian asin tender na Instagram post kun saen mahihiling si Josh na pighadukan an tulak ni Hailee.
Sulot man ni Hailee an sarong komportable sweater na may nakasurat “Mother”.
An post an tolos na napano kan mga mainit na reaksiyon gikan sa mga amigong celebrity na asin mga tagahanga na gikan sa bilog na nasyon.
An love story ni Hailee asin Josh an enot napansin kan publiko kan huring parte kan Mayo 2023, kan mahiling sindang magkaibahan sa sarong date night sa New York City.
Makalihis ini, ginibo ni Josh na opisyal an saindang relasyon kan Hulyo 2024 kan magheras ini nin mga romantic na ladawan gikan sa Paris asin mga ladawan kaibahan an saiyang pamilya.
Pig-anunsiyar ninda an saindang engagement kan Nobyember 2024 asin pigkasal kan Mayo 31 kan presenteng taon sa sarong pribadong ceremony sa California.
