Nilalaoman kan Bangko Sentral ng Pilipinas (BSP) na an inflation sa nasyon an pwedeng bumalik sa laog kan saindang target na 2%-4% sa taong ini, kawsa kan mas halangkaw na presyo kan kuryente, epekto kan base year, asin an padagos na pagbaba kan kantidad kan piso.
Sigun sa Monetary Policy Report kan BSP para sa Disyembre 2025, an inflation an nilalaomang maabot sa 3.2% ngunyan na taon asin 3% sa 2027.
Kan 2025, an inflation an nairehistro sa 1.7%, an pinakahababa sa nakalihis na siyam na taon, na kumparar sa 1.3% kan 2016.
Magpuon kan Agosto 2024, an Monetary Board kan BSP an nagbawas nin 200 basis points gikan sa saindang benchmark interest rates, kaya an policy rate an nagin 4.50%.
Mientrastanto an downside risks an gikan sa mga governance issues na nagresulta sa mga delay sa flood control projects, na pwedeng magpababa sa growth asin inflation outlook.
Inamin man kan BSP na an growth outlook kan nasyon an pwedeng magpadagos, huli sa padagos na pagluya kan business sentiment asin maluya na investment activity. Saro sa nahihiling kan BSP an isyu sa governance asin corruption scandals na nagkakawsa nin pagkauktaba sa public spending na nagpakusog kan pagbaba kan growth prospects.
Ngunyan na taon, nilalaoman na an investment slowdown an magpadagos, asin man an growth outlook an matinir na hababa.
