Prepadong magsimbag an Hamas sa pangapudan ni Israeli Prime Minister Benjamin Netanyahu sa Red Cross na palaugon an mga bulong asin pagkakan para sa mga bihag ninda sa Gaza.
Sigun sa opisyal kan Hamas, maiuutob sana ini enkaso dagusan nang mabuksan an Gaza strip asin dagusang maghali an mga puwersa kan Israel.
Enot nang inapudan ni Israeli President Isaac Herzog si International Committee of the Red Cross President Mirjana Spoljaric kun saen tinawan importansiya na dapat maghiro na sinda para sa mga bihag.
Pigkakarkulong nasa 49 na bihag pa man an kapot kan mga Hamas.
Pigsierto man kan Hamas na makikipagtabangan sinda sa Red Cross na magdara nin mga pagkakan asin bulong para sa mga bihag basta sa kondisyon na mabuksan an humanitarian corridors.
Sa ngunyan, yaon an kahurutan kan kadakol na mga nasyon na magkasundo na liwat an Hamas asin Israel para sa pigbubusol na untuk-putukan sa Gaza.
