NAGA CITY- Nagresibe nin tigrilimang hand-held radio an 27 barangay sa syudad nin Naga kasabay kan ginibong flag raising ceremony kasubagong aga sa City Hall.
Ipinaliwanag sa Bombo Radyo Naga ni Ernie Elcamel, pamayo kan City Disaster Risk Reduction and Management Office (CDRRMO) kun para sain an nasambitang mga radyo.
Segun saiya, propuesto ini ni Mayor John Bongat asin Councilor Lito del Rosario para sa mas makusog asin marikas na komunikasyon sa mga panahon nin emerhensya arog kan kasulo.
Dugang pa ni Elcamel, makakatabang man ini sa pagsierto kan seguridad kan publiko asin paglaban sa kriminalidad sa lambang barangay.
Apwera sa inisyal na orientation kun pano maggamit nin hand-held radio, masalang man suboot sa training para sa emergency preparedness and security an mga personang pipilion kan barangay kapitan na magkapot kan radyo.
Positibo si Elcamel na dakula an magigin bentahe kaini sa marikas na pag-responde sa mga panahon nin kalamidad.
