NAGA CITY-Hinabon an haros 1.5 Million Pesos na kantidad nin kwarta sa Lopez, Quezon.
Binisto an biktima na si alyas Laurence, 52 anyos, residente kan Santiago, General Trias, Cavite, mantang binisto man an suspek na si alyas Ericel, 28 anyos, residente kan Bonifacio Street, Brgy. Mabini, Gumaca, Quezon.
Sa nagunong impormasyon kan Bombo Radyo Naga sa Quezon Police Provincial Office, personal na nagsiring soboot an biktima sa Lopez Municipal Police Station tanganing magsunad nin kasong qualified theft laban sa suspek na si alyas Ericel.
Alas 9:30 soboot nin aga kan Mayo 1 sa LCL Tiles Center sa Brgy. Magsaysay, Lopez, Quezon, kan nadiskubreng dai pig-remit ni alyas Ericel an sales nin tiles asin mga accessories na nagkakantidad nin P1,333,682 sa personal bank account kan biktima makalihis an pag-kondusir nin physical stock inventory.
Sa ngunyan, pighahanap pa kan mga awtoridad an suspek mantang padagos pa man an imbestigasyon kan mga awtoridad manunungod sa nangyaring insidente.
